काठमाडौं । भक्तपुरको सूर्यविनायकका एक वृद्धले आफ्नी पत्नीलाई एसिड प्रहार गरेका छन् ।

सूर्यविनायक नगरपालिका–४ स्थित दधिकोटमा ६० वर्षीय पूजा गुभाजुमाथि श्रीमान श्याम गुभाजुले एसिड प्रहार गरेका हुन् ।

नाम नखुलेको केमिकल प्रहारबाट महिला घाइते भएकी महानगरीय प्रहरी परिसर भक्तपुरले जनाएको छ । घाइतेको कीर्तिपुरस्थित वर्न अस्पतालमा उपचार भइरहेको छ ।

एसिड प्रहार गर्ने ६० वर्षीय पीडित महिलाका श्रीमान श्यामलाई प्रहरीले पक्राउ गरेको छ । हिजो साँझ पौने ७ बजेतिर पूजालाई एसिड प्रहार गरिएको थियो । एसिड आक्रमणबाट उनको टाउको र ढाडको भाग जलेको प्रहरीले जनाएको छ ।