काठमाडौँ । युक्रेनका उपप्रधानमन्त्रीले युक्रेनको अवस्था अहिले नाजुक बन्दै गएको बताएकी छन् ।

बीबीसीका अनुसार उपप्रधानमन्त्री ओल्हा स्टेफानिश्नाले युक्रेनमा रुसको ‘चरमपन्थी योजना’को अर्को लहर सुरु भएको बताएकी हुन्।

उनले रुसले युक्रेनी सहरका अस्पताल र किन्डरगार्टेनमा बम विष्फोट गराएको र अवस्था झन खराब भएको बताएको बीबीसीले जनाएको छ ।

‘युक्रेनले रुसको आक्रमणको प्रतिरोध गर्ने संकल्प गरे पनि यो युद्धको अन्त्य नभएको उनको भनाइ छ।

उनले सैनिकको मृत्यु बाहेक रुसलाई ठूलो नोक्सानी बेहोरे पनि भ्लादिमिर पुटिन रोकिएका छैनन् बरु थप आक्रामकतालाई बढावा दिइरहेका छन् ।