तनहुँ । जिल्ला अदालत तनहुँले बाल गायिकामाथि बलात्कार गरेको अभियोगमा प्रहरी हिरासतमा रहेका अभिनेता पल शाह (पूर्ण विक्रम शाह) लाई थप १२ दिन थुनामा राखेर अनुसन्धान गर्न अनुमति दिएको छ।

यसअघि सात दिन थुनामा राखेर अनुसन्धान गरेको प्रहरीले थप अनुसन्धानका लागि भन्दै आइतबार अदालतसामु समय माग गरेको थियो। जिल्ला प्रहरी कार्यालय तनहुँ स्रोतका अनुसार अदालतले शाहलाई थप १२ दिन थुनामा राख्न अदालतले अनुमति दिएको हो ।

नाबालिग गायिकाले जाहेरी दिएको ४ दिनपछि अभिनेता शाहले गत फागुन १५ मा तनहुँ प्रहरीसामु आत्मसमर्पण गरेका थिए।

शाहले १७ वर्षीया गायिकामाथि माया-प्रेमको जालमा बिहेको आश्वाशन देखाएर  पटकपटक बलात्कार गरेको आरोप छ ।

अर्को पनि पढ्नैपर्ने

पल शाह प्रकरण : जवर्जस्ती करणीमा हदम्याद नाघेको चर्चा, के हो वास्तविकता ?

अर्को पनि पढ्नैपर्ने

पल शाह प्रकरण: पीडित नाबालिका भएको पुष्टि, कन्याजाली पनि च्यातिएको मेडिकल रिपोर्ट