काठमाडौं । प्रतिनिधिसभा बैठकअघि कार्यव्यवस्था परामर्श समितिको बैठक आज बस्दै छ ।

सभामुख अग्निप्रसाद सापकोटाले नयाँ बानेश्वरस्थित संघीय संसद् भवनमा कार्यव्यवस्था परामर्श समितिको बैठक बोलाएका हुन् । बैठक बिहान साढे ११ बजेका लागि बोलाइएको सचिवालयले जनाएको छ ।

आज दिउँसो १ बजे प्रतिनिधिसभा बैठक बोलाइएको छ । कार्यव्यवस्थाको बैठकमा संसद् बैठकको कार्यसूचीबारे छलफल हुनेछ ।

आजको बैठकमा पनि प्रमुख प्रतिपक्षी दल नेकपा एमाले सहभागी हुने वा नहुने बारे कुनै टुंगो छैन । यसअघि सभामुखले बोलाएको कार्यव्यवस्था परामर्श समितिको बैठक एमालेले निरन्तर बहिष्कार गर्दै आएको छ ।