काठमाडौं । नेकपा (एमाले) का उपाध्यक्ष सुवाष नेम्वाङले वर्तमान सरकारले नेपालको चुच्चे नक्सा गायब गरेको आरोप लगाएका छन् ।

शनिवार काठमाडौंमा आयोजित एक कार्यक्रममा बोल्दै उनले आफ्नो पार्टीले ठूलो चुनौती मोलेर बनाएको नेपालको चुच्चे नक्सा वर्तमान सरकारले गायब गरेको आरोप लगाएका हुन् ।

प्रधानमन्त्री शेरबहादुर देउवाले आफैले सार्वजनिक गरेको सय दिनको कार्यक्रमबाट समेत गायब बनाएको भन्दै नेम्वाङले आक्रोश पोखेका हुन् ।

‘यो देशको राष्ट्रियताको सन्दर्भमा लडाइ लड्ने सिलसिलामा लिपुलेक, लिम्पियाधुराको चुच्चेनक्सा हामीले बनायौं,’उनले भने,’यो कम ठूलो कुरा थियो ? कम्ति चुनौती थियो यसमा ?”

तर हामीले त्यतिबेला सरकारको सय दिनको काम सार्वजनिक गर्ने बेलामा हामीले चुच्चे नक्सा छापेका थियौं । तर यो सरकारले सय दिनको काम सार्वजनिक गर्ने बेलामा हेर्नुहोस् त ? त्यहाँ नेपालको लागो छ । तर लिपुलेक, लिम्पियाधुरा सहितको चुच्चे नक्सा गायब छ ।