काठमाडौं । पूर्वप्रधानमन्त्री डा. बाबुराम भट्टराईले बाल गायिकामाथि जबरजस्ती करणीको अभियोगमा प्रहरी हिरासतमा रहेका अभिनेता पल शाह प्रकरणबारे आफ्नो धारणा राखेका छन् । ‘मर्दकी दशवटी’ भन्ने मानसिकता बोकेर पीडकको पक्ष लिनु लज्जास्पद भएको भट्टराईको भनाइ छ।

भट्टराईले सामाजिक संजाल ट्वीटरमार्फत पल प्रकरणबारे टिप्पणी गर्दै ‘मर्दकी दशवटी’ मानसिकता बोकेर पीडकको पक्ष लिनु लज्जास्पद भएको उल्लेख गरेका छन्।

अदालती प्रक्रियालाई प्रभावित पार्ने गरी जिल्ला प्रहरी कार्यालय तनहुँको दमौलीमा पल पक्षधरको दिनहुँ भइरहेका प्रदर्शन र सामाजिक सञ्जालमा टिप्पणीबारे भट्टराईले न्यायिक फैसला सबैले मान्नुपर्ने बताएका छन् ।

नाबालिक किशोरीको यौनशोषण सम्बन्धी अति सम्वेदनशील मुद्दामा पहिलो दृष्टिमै पीडितप्रति सहानुभूति/समर्थन हुनुपर्नेमा सामन्ती पितृसत्तात्मक ‘मर्दकी दशओटी’ मानसिकता बोकेर पीडकको पक्ष लिनु लज्जास्पद कुरा हो।लोकतन्त्रमा अन्ततः न्यायिक फैसला सबैले मान्नैपर्छ तर शुरूमै न्याय प्रभावित नहोस। https://t.co/1r2JM9FlwH

— Baburam Bhattarai (@brb1954) March 3, 2022

हिरासतमा रहेका पललाई अदालतले अभियोगबारे बयान लिइरहेको छ । अभिनेता शाहमाथि पोखरा घर भएकी एक बाल गायिकाले जबरजस्ती करणीको अभियोगमा तनहुँ प्रहरीमा उजुरी दर्ता गराएकी थिइन्।