काठमाडौं । काठमाडौंको पशुपतिनाथ मन्दिरको आर्यघाटमा रहेको पुलको पर्खाल भाँचिएको छ ।

पशुपति क्षेत्रमा दर्शनार्थीको भार थेग्न नसक्दा पुल भाँचिएको हो । भाँच्चिदा दुई जना घाइते भएको प्रहरीले जनाएको छ ।

पर्खाल भत्किँदा पानीमा खसेका मध्ये ३० वर्षीय राजन ओलीलाई उपचारका लागि काठमाडौं मेडिकल कलेज, सिनामंगल पठाइएको छ । भने अर्का एक घाइते चाहिँ सामान्य उपचारपछि फर्किएको प्रहरीले जनाएको छ ।

कोरोना महामारीको प्रभाव कम भएको बेला परेको शिवरात्रिमा यस वर्ष पशुपतिमा लाखौँ मानिसको भीड लागेको थियो ।