काठमाडौं । देशभर पछिल्लो २४ घण्टामा थप १५८ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ४ हजार ४५८ पीसीआर परीक्षणमा ९२ जना र २ हजार ४६ एन्टिजेन परीक्षणमा ६६ जना गरी १५८ जनामा संक्रमण पुष्टि भएको हो ।

यस्तै, मन्त्रालयका अनुसार सोही अवधिमा ३५४ जना संक्रमणमुक्त भएका छन् । हाल देशभर कोरोना भाइरसको सक्रिय संक्रमितको संख्या ७ हजार ९७१ रहेको छ ।

कोरोनाका कारण आज २ जनाको मृत्यु भएको मन्त्रालयले जनाएको छ । त्यस्तै देशभर थप १ लाख ८ हजार १४०  जनाले कोरोनाविरुद्धको खोप लगाएका छन्।