काठमाडौं । त्रिभुवन अन्तर्राष्ट्रिय विमानस्थलबाट अवैध सुनसहित एक जना पक्राउ परेका छन् ।

पक्राउ पर्नेमा कतार एयरवेजको जहाजबाट आइतबार दिउँसो काठमाडौं आएका सप्‍तरी मौवावेल्ही-०४ का ३६ बर्षीय एम.डि. सौकात अली रहेका छन्।

उनको साथबाट २ थान सुनको ब्रासलेट( तौल ९४.९ ग्राम, अन्दाजी मुल्य अक्षरुपी सात लाख अन्ठानब्बे हजार नौ सय त्रिसठ्ठी मात्र) बराबरको सुन बरामद भएको विमानस्थल भन्सार कार्यालयले जनाएको छ ।

उनलाई विमानस्थलको पार्किङ एरियाबाट पक्राउ गरिएको प्रहरीले जनाएको छ।

यसबारे थप अनुसन्धान भइरहेको विमानस्थल प्रहरी कार्यालयले जानकारी दिएको छ ।