काठमाडौं । देशभर पछिल्लो २४ घण्टामा थप १११ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ६ हजार ४८६ पीसीआर परीक्षणमा ९४ जना र ३ हजार २२४ एन्टिजेन परीक्षणमा १७ जना गरी १११ जनामा संक्रमण पुष्टि भएको हो ।

यस्तै, मन्त्रालयका अनुसार सोही अवधिमा ४१५ जना संक्रमणमुक्त भएका छन् । हाल देशभर कोरोना भाइरसको सक्रिय संक्रमितको संख्या आठ हजार ५१७ रहेको छ ।

कोरोनाका कारण आज १ जनाको मृत्यु भएको मन्त्रालयले जनाएको छ । त्यस्तै देशभर थप ४१ हजार ३६९ जनाले कोरोनाविरुद्धको खोप लगाएका छन्।