काठमाडौँ । प्रहरीले एटिएम मेसिन तोडफोड गर्दागर्दै एक युवकलाई पक्राउ गरेको छ ।

पक्राउ पर्नेमा काभ्रे जिल्ला धुलिखेल नगरपालिका वडा नं. ७ घर भइ हाल काठमाडौँ सानो गौचरण बस्ने २१ बर्षीय आकाश तामाङ रहेका छन्।

तामाङलाई काठमाडौं महानगरपालिका-१स्थित नक्साल भगबतीनजिक रहेको एनआईसी एशिया बैंकको एटिएम मेसिन तोडफोड गरिरहेको अवस्थामा शनिबार राति प्रहरीले पक्राउ गरेको हो ।

प्रहरीका अनुसार उक्त बैंकको एटिएम तोडफोड गर्दै गरेको अवस्थामा महानगरीय प्रहरी वृत्त मालिगाउँबाट खटिएको प्रहरीले उनलाई चोरीमा प्रयोग हुने सामानसहित पक्राउ गरेको हो ।

यस सम्बन्धमा प्रहरीले तामाङमाथि थप अनुसन्धान भइरहेको जनाएको छ ।