काठमाडौं । नेकपा माओवादी केन्द्रका नेता नारायणकाजी श्रेष्ठले गठबन्धन जोगाउन (ब्याख्यात्मक घोषणासहित) एमसीसी संसदबाट अनुमोदन गर्ने पार्टीको निर्णयप्रति गम्भिर असहमति जनाएका छन् ।

यसअघि एमसीसीको विरोध गर्दै आएको माओवादी केन्द्रको आइतबार विहान बसेको बैठकले ब्याख्यात्मक घोषणासहित एमसीसी अनुमोदन गर्ने निर्णय गरेको थियो ।

‘पाँच दलीय गठबन्धनमा अध्यक्ष प्रचण्डले ब्याख्यात्मक घोषणा सहित एमसीसी सम्झौता अनुमोदन गर्ने जानाकारी गराउनु भएको छ । यो निर्णयप्रति मेरो गम्भीर असहमति र आपत्ति रहेको छ,’ श्रेष्ठले ट्वीटरमा लेखेका छन् ।

‘आज बिहानको पार्टीको छलफलमा म लगायत केही कमरेडहरुले मतभेद राखि सकेका छौं । यो महाधिवेशनको बिरुद्ध छ र गलत छ,’ श्रेष्ठले भनेका छन् ।

५ दलीय गठबन्धनमा अध्यक्ष क• प्रच्ण्डले ब्याख्यात्मक घोषणा सहित एमसिसि सम्झौता अनुमोदन गर्ने जानाकारी गराउनु भएको छ ।यो “निर्णय”प्रति मेरो गम्भीर असहमति र आपत्ति रहेको छ।आज बिहानको पार्टीको छलफलमा म लगायत केही कमरेडहरुले मतभेद राखि सकेका छौं। यो महाधिवेशनको बिरुध्द छ र गलत छ ।

— NKShresthaPrakash (@nksthaprakash) February 27, 2022