एजेन्सी । भारतको दिल्ली सरकारले शुक्रबार कोभिड–१९ सँग सम्बन्धित सबै प्रतिबन्धहरूको अन्त्य गर्ने घोषणा गरेको छ ।

दिल्ली प्रकोप व्यवस्थापन प्राधिकरण (डीडीएमए) ले कोरोना नियन्त्रणका लागि अपनाइएका प्रायः सबै प्रतिबन्धहरू अन्त्य गर्ने घोषणा गरेको हो ।

कोभिड–१९ सङ्क्रमण दरमा कमी आएपछि नियन्त्रणका लागि अपनाइएका प्रायः सबै प्रतिबन्धहरू हटाइएको हो ।

दिल्लीका मुख्यमन्त्री अरविन्द केजरीवालले उक्त निर्णयबारे सामाजिक सञ्जालमार्फत् कोभिड नियन्त्रणका लागि सामाजिक दूरी कायमलगायतका प्रायः सबै प्रतिबन्धलाई हटाइएको जानकारी दिए ।

अप्रिल १ देखि दिल्लीमा सबै विद्यालयहरूले विद्यालयमा भौतिकरूपमा उपस्थित भएर अध्ययन गर्नसक्ने उनले बताए ।