काठमाडौं । पूर्व प्रधानमन्त्री तथा नेकपा एकीकृत समाजवादीका अध्यक्ष माधव कुमार नेपालले एमसीसीका कारण देशमा राजनीतिक संकट पर्नसक्ने बताएका छन् ।

युवा संघ नेपालको प्रथम सुदूरपश्चिम प्रदेश भेलालाई सम्बोधन गर्दै अध्यक्ष नेपालले एमसीसी नेपालको हित विपरीत भएको बताएका हुन् ।

उनले यथास्थितिमा एमसीसीलाई कुनै पनि हालतमा पारित गर्न नसकिने बताए । एमसीसी परियोजना विशुद्ध आर्थिक सहयोगको परियोजना बनोस् भन्ने आफूहरुको प्रष्ट धारणा रहेको उनको भनाइ छ ।

सरकारले एमसीसी पारित गरे सरकारबाट आफूहरु बाहिरिने उनले चेतावनी दिएका छन् ।