काठमाडाैं । प्रधानमन्त्री शेरबहादुर देउवा र एमाले अध्यक्ष केपी शर्मा ओलीबीच संसद भवनभित्रै वार्ता भएको छ ।

बिहीबार प्रतिनिधिसभाको बैठक स्थगित भएसँगै देउवा र ओलीबीच एमसीसीको विषयमा छलफल भइरहेको बताइएको छ । दुई नेताबीच भएको वार्तालाई अर्थपूर्ण रुपमा हेरिएको छ ।

छलफलमा एमालेबाट वरिष्ठ उपाध्यक्ष ईश्वर पोखरेल र उपाध्यक्ष विष्णु पौडेल सहभागी छन् भने काँग्रेसबाट देउवासहित सञ्चारमन्त्री ज्ञानेन्द्र बहादुर कार्की र महामन्त्री गगन थापा सहभागी छन्।

बैठक भोलि दिउँसो १ बजेसम्मका लागि स्थगित भएको छ।

यसअघि आज बस्ने भनिएको बैठकमा एमसीसीमाथि छलफल गरियोस् भन्दै प्रस्ताव पेस हुने बुधबार सार्वजनिक गरिएको सम्भावित कार्यसूचीमा उल्लेख गरिएको थियो ।