काठमाडौं । सङ्खुवासभाबाट रक्तश्राव भएपछि एक गर्भवतीको हेलिकप्टरमार्फत उद्धार गरिएको छ ।

२४ हप्ताको गर्भ रहेकी भोटखोला गाउँपालिका वडा नम्बर १ किमाथांकाकी १७ वर्षीया पेमा ल्हामु च्यावाको आज बुधवार हेलिकप्टरमार्फत उद्धार गरिएको हो ।

उनलाई उद्धार गरेर काठमाडौं ल्याइएको सङ्खुवासभाका प्रमुख जिल्ला अधिकारी नुरहरी खतिवडाले जानकारी दिए ।

गर्भवतीलाई राष्ट्रपति महिला उत्थान कार्यक्रम अन्तर्गत उद्धार गरिएको हो ।