काठमाडाैं । अन्तत: अभिनेता पल शाह र आफ्नो प्रेम सम्बन्धबारेको विवाद उत्कर्षमा पुगेपछि गायिका समीक्षा अधिकारीले प्रहरीमा उजुरी दिएकी छन्।

बुधबार १७ वर्षीया गायिका समीक्षाले आफूलाई पलले ‘फकाएर’ जबरजस्ती करणी गरेको भन्दै जिल्ला प्रहरी कार्यालय तनहुँमा जाहेरी दिएकी हुन् । पलविरूद्धको जबरजस्ती करणीको जाहेरी दर्ता भएको प्रहरी स्रोतले जनाएको छ।

पछिल्लो समय नायक शाह र अधिकारीबीचको प्रेम विवाद चुलिँदै गएको छ । विवादपछि उनीहरुबीचको अडियो संवाद समेत सार्वजनिक भइसकेको छ ।

प्रहरी स्रोतका अनुसार शाहविरूद्ध परेको जाहेरी दर्ता भई कानुनी प्रक्रियामा गएको छ । शाहमाथि बालिकालाई प्रेम सम्बन्धमा पारेर जबरजस्ती करणी गरेको आरोप लागेको छ ।

उजुरीमा आफूहरु एउटा म्यूजिक भिडियोको सुटिङका सिलसिलामा तनहुँमा रहेको बेला पलले ‘फकाएर’ जबर्जस्ती करणी गरेको उल्लेख गरिएको छ।

अर्को पनि पढ्नैपर्ने

पल-समीक्षा विवाद: समीक्षासँगको अडियो संवाद नक्कली रहेको पल शाहको दावी