काठमाडौँ । युक्रेनमा रहेका भारतीय नागरिकको सुरक्षालाई ध्यानमा राख्दै उनीहरुलाई फर्काउन एयर इन्डियाको विशेष विमान त्यसतर्फ प्रस्थान गरेको छ ।

पीबीएनएस (PBNS)को समाचार अनुसार एयर इन्डियाले भारत र युक्रेनबीच तीनवटा विमान सञ्चालन गर्नेछ । आज अर्थात फेब्रुवरी २२ गते एउटा विमान उडेको छ । अर्कोतर्फ दोस्रो विमान २४ फेब्रुअरी र तेस्रो विमान २६ फेब्रुअरीमा उड्नेछ ।

एयर इन्डियालाई उद्धृत गर्दै, समाचार एजेन्सी एएनआईले रिपोर्ट गरेको छ कि युक्रेनबाट भारत आउने नागरिकहरूले एयर इन्डियाको बुकिङ अफिस, वेबसाइट, कल सेन्टर वा आधिकारिक ट्राभल एजेन्टहरू मार्फत बुक गर्न सक्छन्।

एयर इन्डियाको पहिलो विमान आज बिहान उडेको थियो । यो विशेष सेवाहरूमा प्रयोग हुने ड्रीमलाइनर बी-७८७ विमान हो । यो विमानमा २०० भन्दा बढी सिट छन् । यो विशेष विमान आज राति युक्रेनबाट दिल्ली एयरपोर्ट फर्किनेछ।

वास्तवमा, रुसी राष्ट्रपति पुटिनले एक आदेश जारी गरेका छन्, जस अनुसार रुसी सेनाले लुहान्स्क र डोनेस्कमा शान्ति कायम राख्न काम गर्नेछ । राष्ट्रपति पुटिनले युक्रेनका दुई अलगाववादी क्षेत्र डोनेस्क र लुहान्स्कलाई मान्यता दिएका छन् । यो आदेशपछि युद्धको डर झनै बढेको छ । यस्तो अवस्थामा सुरक्षालाई ध्यानमा राखेर यो कदम चालिएको  समाचारमा उल्लेख छ।