काठमाडौँ । महानगरीय प्रहरी परिसर काठमाडौँले काठमाडौँस्थित पुरानो बानेश्वरबाट ३६ जना चिनियाँ नागरिकलाई पक्राउ गरेको छ ।

महानगरीय प्रहरी परिसर काठमाडौँका एसएसपी सुदीप गिरीका अनुसार उनीहरुलाई अवैध कल बाइपासमा संलग्न भएको आरोपमा पक्राउ गरिएको हो ।

उनीहरुमाथि थप आवश्यक अनुसन्धान भइरहेको एसएसपी गिरीको भनाइ छ।

पक्राउ परेका चिनियाँ नागरिकहरूलाई प्रहरी वृत्त नयाँ बानेश्वरको हिरासतमा राखिएको एसएसपी गिरीले बताए।