काठमाडौं । सहिद स्मारक ए डिभिजन लिगअन्तर्गत आज १२ औं चरणको दुई खेल हुँदै छन् ।

आज दिउँसो १ बजे दुई विभागीय टोलीहरु नेपाल पुलिस क्लब र एपीएफ फुटबल क्लबबीच प्रतिस्पर्धा हुने भएको हो ।

हिजो भएको खेलमा ब्रिगेड ब्वाइज क्लब पराजित भएसँगै नेपाल पुलिस क्लब रेलिगेसनबाट जोगिइसकेको छ ।

यस्तै अर्को खेलमा पौने ५ बजे त्रिभुवन आर्मी र संकटा क्लबबीच प्रतिस्पर्धा हुनेछ । त्रिभुवन आर्मीले ११ खेलबाट १९ अंक जोेड्दै लिगको चौथो स्थानमा छ।