काठमाडौं । नेपाल प्रहरीका १८ जना प्रहरी उपरीक्षक (एसपी) हरुको सरुवा भएको छ ।

प्रहरी महानिरीक्षकको फागुन ८ गतेको निर्णयअनुसार १८ जना प्रहरी उपरीक्षक (एसपी) हरुलाई सरुवा गरिएको प्रहरी प्रधान कार्यालयले जनाएको छ ।

सरुवा सूचीअनुसार जिल्ला प्रहरी कार्यालय रुपन्देहीको प्रमुखमा रविन्द्र रेग्मीलाई सरुवा गरिएको छ ।

त्यसैगरी जिल्ला इन्चार्ज पाउने एसपीहरुमा दयानिधि ज्ञवाली बागलुङ, दीपककुमार बस्नेत गुल्मी, बिमलराज कँडेल सिन्धुली, लक्ष्मीराज अधिकारी धनकुटा, शारदाप्रसाद चौधरी डोटी, केदार खनाल गोरखा छन् ।

त्यसैगरी सम्पत्ति शुद्धिकरण अनुसन्धान विभागमा शेखर खनालको सरुवा भएको छ । प्रहरी प्रधान कार्यालयले सरुवा भएका सबै एसपीलाई फागुन महिनाको तलब सम्बन्धित जिल्लाबाटै खान पाउने गरेर सरुवा गरेको हो ।

को कहाँ सरुवा भए ? हेर्नुहोस् सूची :