काठमाडौं । दलित समुदायका महिलाबाट सीता परियार पहिलो प्रमुख जिल्ला अधिकारी सिडिओ बनेकी छन् ।

उनलाई गृह मन्त्रालयले हुम्लाको सिडिओ बनाएर पठाएको हो । उनी यसअघि भक्तपुर जिल्लाको सहायक सीडीओ थिइन् ।

यसअघि दलित समुदायबाट पुरुषतर्फबाट डा. मानबहादुर विश्वकर्मा, सन्तबहादुर सुनुवार सीडीओ बनिसकेका छन् । तर, सीता दलित समुदायबाट महिला सीडीओ भएकी हुन् ।

यस्तै गृह मन्त्रालयले पाँच जिल्लामा प्रमुख जिल्ला अधिकारीको काज सरुवा गरेको छ । गृहमन्त्री बालकृष्ण खाणले मन्त्रीस्तरीय निर्णयबाट पाँच जिल्लामा प्रजिअको काज सरुवा गरेका हुन् । सरुवा गरिने प्रजिअमा दुई सहसचिव र तीन उपसचिव छन् ।