काठमाडौं । निर्वाचन आयोगले दल दर्ताका लागि आह्वान गरेको छ । आयोगले स्थानीय तहको निर्वाचन प्रयोजनका लागि दल दर्ताको आह्वान गरेको हो ।

दल दर्तासम्बन्धी आह्वानको सूचना भोलि बिहीबार प्रकाशित हुने आयोगले जानकारी दिएको छ । आयोगले फागुन ५ गतेदेखि १५ गतेसम्म दल दर्ता गर्ने निर्णय गरेको हो ।

हाल निर्वाचन आयोगमा १०३ वटा दल दर्ता भएका छन् । निर्वाचन प्रयोजनका लागि दल दर्ता गर्नुपर्छ ।

यसअघि सरकारले आगामी वैशाख ३० गते का लागि स्थानीय तहको निर्वाचनको मिती तोकिसकेको छ ।