काठमाडौं । देशभर पछिल्लो २४ घण्टामा ६३९ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालय प्रवक्ता संगीता मिश्राका अनुसार आज बुधबार ६ हजार ७८२ पीसीआर परीक्षणमा ५७८ जना र २ हजार ९७४ एन्टिजेन परीक्षणमा १८५ जना गरी ६३९ जनामा संक्रमण पुष्टि भएको हो।

यस्तै, पछिल्लो २४ घण्टामा कोरोना संक्रमणका कारण ३ जनाले ज्यान गुमाएका छन् । योसँगै नेपालमा हालसम्म कोरोना संक्रमणबाट ज्यान गुमाउनेको संख्या ११ हजार ९०५ पुगेको छ।

यसैगरी आज १ हजार ६०० जना संक्रमणमुक्त भएका छन् । हाल देशभर कोरोना भाइरसको सक्रिय संक्रमित संख्या १८ हजार २५१ रहेको छ ।

यसअघि हिजो मंगलबार ६८० जनामा संक्रमण पुष्टि हुँदा २ जनाको मृत्यु भएको थियो।