काठमाडौं । एक शिक्षिकालाई बलात्कार गरेको अभियोगमा नेकपा एमालेका पूर्वमन्त्री तथा सांसद मोहन बानियाँ विरुद्ध पक्राउ पुर्जी जारी भएको छ ।

उनलाई जिल्ला अदालत बाँकेले पक्राउ पुर्जी जारी गरेको हो । तत्कालिन केपी ओली सरकारको पालामा १० दिने मन्त्री बनेका बानियाँमाथि जुम्ला घर भएकी एक शिक्षिकालाई नेपालगञ्जस्थित होटल अप्सरामा लगेर बलात्कार गरेको आरोप छ ।

२५ लाख रुपैयाँको चेक लिन आउ भन्दै होटलमा बोलाएको र आफूलाई दिनुपर्ने उक्त रकम नदिई बलात्कार गरेको ती शिक्षिकाको दाबी छ । सिसिटिभी फूटेज अनुसार उनीहरु दुबै जना विहान ८ बजे होटलबाट बाहिर निस्किएका थिए ।

बाँके प्रहरीका अनुसार मुगुका सांसद समेत रहेका बानियाँले होटलको कोठा भने आफ्ना बडिगार्डको नाममा बुक गराएका थिए ।