एजेन्सी । क्लब विश्वकपको उपाधि इंग्लिस क्लब चेल्सीले हात पारेको छ ।

शनिबार राति भएको खेलमा ब्राजिली क्लब पाल्मेइरसलाई पराजित गर्दै चेल्सीले उपाधि हात पारेको हो ।

अतिरिक्त समयमा पाल्मेइरसलाई २-१ गोल अन्तर पराजित गर्दै चेल्सीले उपाधि जितेको हो । निर्धारित समयको १-१ गोलको बराबरी भएपछि खेल अतिरिक्त समया लम्विएको थियो ।

अतिरिक्त समयमा काई हाभर्टजले पेनाल्टीमा गोल गर्दै चेल्सीलाई उपाधि दिलाए । त्यसअघि चेल्सीका लागि रोमेलु लुकाकु गोल गरेका थिए भने पाल्मेइरसका राफयल भेइगाले गोल गरेका थिए ।