काठमाडौं । सरकारले आजदेखि १८ वर्षमाथिका सबै नागरिकलाई कोरोना विरुद्धको बुस्टर डोज खोप लगाउने भएको छ ।

दोस्रो डोज खोप लगाएका ६ महिना पूरा भएका सबैलाई आजदेखि बुस्टर डोज खोप दिइने स्वास्थ्य तथा जनसंख्या मन्त्रालयले जनाएको छ ।

बुस्टर डोजको रूपमा उपलब्धताका आधारमा कोभिसिल्ड, एस्ट्राजेनेका, मोडर्ना वा फाइजर खोप दिने निर्णय भएको पनि मन्त्रालयले जनाएको छ ।

कोरोना संक्रमण भएका व्यक्तिहरूले भने संक्रमणमुक्त भएको एक महिनापछि बुस्टर डोज खोप लिन मन्त्रालयले आग्रह गरेको छ ।