काठमाडौं । ललितपुर महानगरपालिकाको वडा नम्बर २७ स्थित बालकुमारी मन्दिरबाट यही माघ ९ गते हराएको मुर्ति भेटिएको छ ।

उक्त मुर्ति खुमलटारस्थित करुणा मन्दिरको हातामा बिहान भेटिएको ललितपुर क्षेत्र नम्बर २ का प्रदेश सांसद राजकाजी महर्जनले जानकारी दिए ।

क्लासीक टावर पछाडिको मन्दिरमा बोरामा शंकास्पद बस्तु भेटिएको भन्दै स्थानीयले प्रहरीलाई खबर गरेका थिए । खोलेर हेर्दा मुर्ति भेटिएको बताइएको छ ।

मुर्ति हराएपछि ललितपुर परिसर र महानगरीय अपराध महाशाखाले अनुसन्धान गर्दै आएको थियो । यस्तै सुनाकोठीका वडा अध्यक्षले मुर्ति फेला पार्नेलाई ५ लाख दिने घोषणा समेत गरेका थिए ।