काठमाडौँ । प्रधानमन्त्री निवास बालुवाटारमा सत्तारुढ तीन दलका शीर्ष नेताबीच भेटवार्ता भएको छ ।

बिहीबार बिहान साढे १० बजेपछि प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’, एकीकृत समाजवादीका अध्यक्ष माधव नेपालबीच भेटवार्ता भएको हो ।

बालुवाटार स्रोतका अनुसार बिहिबार बिहान प्रधानमन्त्री देउवालाई भेट्न प्रचण्ड र माधव बालुवाटार पुगेका थिए । उनीहरुबीच करिब १ घण्टा छलफल भएको स्रोतको भनाइ छ।

छलफलमा समसामयिक राजनीतिक घटनाक्रम, एमसीसी, स्थानीय चुनाव र गठबन्धनबारे कुराकानी भएको बुझिएको छ।

त्यसअघि आजै बिहानमात्रै माओवदी अध्यक्ष प्रचण्डले काँग्रेस नेता शेखर कोइरालासँग पनि आफ्नै निवास खुमलटारमा छलफल गरेका थिए । प्रचण्डसँगको भेटमा कोइरालाले आफू चुनावी गठबन्धनको पक्षमा नरहेको बताएका थिए ।