काठमाडौं । पछिल्लो २४ घण्टामा देशभर थप २ हजार ४०१ जनामा कोरोना भाइरसको सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार १६ हजार ३५६ जनाको परीक्षण गर्दा कुल २,४०१ जनामा सङ्क्रमण पुष्टि भएको हो ।

यही अवधिमा थप ७ हजार ७७७ जना सङ्क्रमणमुक्त भएका छन् । यस्तै, कोभिड–१९ को सङ्क्रमणबाट बुधबार थप १४ जनाले ज्यान गुमाएका छन् ।

हालसम्म कोभिड-१९ संक्रमणबाट ज्यान गुमाउनेको संख्या ११ हजार ८५२ पुगेको छ।यसैगरि हाल देशभर ३० हजार २४१ जना सक्रिय संक्रमितहरु रहेका छन्।