काठमाडौँ । महानगरीय प्रहरी परिसर काठमाडौँले चोरी भएको सामानसहित दुई जनालाई पक्राउ गरेको छ।

पक्राउ पर्नेहरुमा रौतहट चन्द्रपुर नगरपालिका वडा नं ७ घर भई हाल काठमाडौँ डल्लु बस्ने ३० बर्षीय अलि अक्तर मन्सुर र १९ बर्षीय आकाश चौधरी रहेका छन्।

परिसरका एसपी दिनेशराज मैनालीका अनुसार उनीहरुलाई मंगलबार दिउँसो ३ बजे काठमाडौँ बुढानीलकण्ठबाट पक्राउ गरिएको हो । उनीहरुको साथबाट रिक्सासहित बयालिस ईन्चको टि.भि समेत बरामद गरिएको छ।

उनीहरुमाथि महानगरीय प्रहरी बृत्त महाराजगंजबाट थप अनुसन्धान कार्य भइरहेको एसपी मैनालीले जनाए।