काठमाडौं । आईसीसी पुरुष टी–ट्वान्टी विश्वकप अन्तर्गतको ग्लोबल छनोटमा सहभागी हुन नेपाली राष्ट्रिय क्रिकेट टोली आज ओमान प्रस्थान गर्ने भएको छ ।

विश्वकपमा छनोट हुने लक्ष्य बोकेको नेपाली टोली आजराति ८ बजे ओमान प्रस्थान गर्ने नेपाल क्रिकेट संघले जानकारी दिएको छ ।

ग्लोबल छनोटमा नेपालसहित आयोजक ओमानसहित, फिलिपिन्स, क्यानाडा, युएई, बहराइन, आयरल्यान्ड र जर्मनी रहेका छन्। छनोटका खेल फेब्रुअरी १८ देखि २४ तारिखसम्म हुनेछ।

छनोट चरणको समूह ‘ए’ मा नेपाल, क्यानाडा, फिलिपिन्स र ओमान रहेका छन् । समूह ‘बी’ मा युएई, बहराईन, आयरल्यान्ड र जर्मनी रहेका छन्। नेपालले छनोट चरणको पहिलो खेल ओमानविरुद्ध खेल्दै छ।