काठमाडौं । हिउँ खेल्न गएर चन्द्रागिरी वरपरको जङ्गलमा हराएका ५ जनाको मध्यरातमा उद्धार गरिएको छ ।

महानगरीय प्रहरी वृत्त थानकोटबाट प्रहरी नायव उपरीक्षक डिल्लीनारायण पाण्डेको नेतृत्वमा र विपद् टोली गरी ३७ जनाको टोलीले उनीहरुको राति १ बजे उद्धार गरेको हो ।

चन्द्रागिरि नगरपालिका ६ का एकै परिवारभित्रका पाँच जना महिला तथा बालबालिका हराएको भनी परिवारले राति ८ बजे प्रहरीले खबर गरेका थिए ।

त्यसपछि प्रहरीले पाँचघण्टा खोजी गरेपछि उनीहरुको उद्धार गरेको थियो ।

हराएका वर्ष २३ कि रिता गुरुङ, १५ वर्षकी सौभाग्य गुरुङ, १३ को सहज गुरुङ, ११ की जेनिसा गुरुङ र ७ वर्षको एरविन गुरुङलाई उद्धार गरिएको हो । उनीहरुलाई राति ३ बजे परिवारको जिम्मा लगाइएको प्रहरीले जनाएको छ ।