एजेन्सी । अफ्रिका कप अफ नेसन्समा आयोजक क्यामरुनलाई पराजित गर्दै इजिप्ट फाइनल पुगेको छ ।

गएराति पउल बिया स्टेडियममा भएको दोस्रो सेमिफाइनलमा क्यामरुनलाई ३-१ ले पराजित गर्दै इजिप्ट फाइनल पुगेको हो ।

निर्धारित ९० मिनेट र अतिरिक्त समय गोलरहित बराबरीमा सकिएपछि खेलको निर्णय ट्राइब्रेकेरबाट लिइएको थियो ।
इजिप्टको जितमा मोहनाद लशिन,मोहम्मद अब्देल मोनिम, अहमद सायदले गोल गरेका थिए ।

क्यामरुनका भिसेन्ट अबुबाकरले गोल गर्दा क्लिन्टन नजी,जेम्स लि सिलिकी र ह्यरोल्ड मोकौडीले गोल गर्न सकेनन् । इजिप्टले अब उपाधिको लागि सेनेगलको सामना गर्नेछ ।