काठमाडौँ । अफगानिस्तानमा तालिबानले सत्ता लिएपछि केही विश्वविद्यालयहरूमा विद्यार्थीहरू फर्किरहेका छन् । तर, तालिबानले केटा र केटीलाई छुट्टाछुट्टै राखिने र शिक्षा धार्मिक सिद्धान्तमा आधारित हुने बताएको छ ।

अफगानिस्तानमा केटीहरूलाई अझै पनि माध्यमिक विद्यालयमा जान अनुमति छैन । यसैबिषयमा नोबेल पुरस्कार विजेता तथा मानवअधिकार कार्यकर्ता मलाला युसुफजाईले तालिबानले केटीहरूलाई धर्मको आडमा शिक्षा पाउनबाट रोक्न नसक्ने बताएकी छन् ।

‘पहिले काममा जाने धेरै महिलाहरू अहिले घरमै बसिरहेका छन्, केटीहरू विद्यालय जान पर्खिरहेका छन् । सबैजना जान्न चाहन्छन् कि यो नयाँ शक्तिले महिला अधिकारको रक्षा गर्नेछ । हामीलाई थाहा छ कि अफगानिस्तानको महिला फुटबल टोली, क्रिकेट टोली र रोबोटिक्स टोलीहरूले अफगानिस्तानमा रहँदा त्यसो गर्न नसकेपछि अफगानिस्तानमा उनको क्यारियर समाप्त हुनेछ भन्ने महसुस गर्दै देश छोड्नुपर्‍यो,’ मलालाको भनाइ उधृत गर्दै बीबीसीले लेखेको छ।

‘यसले ठूलो हदसम्म त्यो देशमा महिलाहरूलाई के भइरहेको छ भनेर वर्णन गर्दछ,’ मलालाले भनेकी छन्, ‘सडकमा आएर आवाज उठाउने साहसी अफगान महिलाहरूलाई सलाम, जसले तालिबानमाथि दबाब पनि बढाइरहेको छ।’