उदयपुर । नेकपा एमालेनिकट अनेरास्ववियुका विद्यार्थीहरूले परराष्ट्रमन्त्री डा. नारायण खड्कालाई कालो झण्डा देखाएका छन् ।

बिहीबार गृहजिल्ला आएका परराष्ट्रमन्त्री खड्कालाई गाईघाट बजारबाट राजावासतर्फ जाँदै गरेको बेला त्रियुगा हस्पिटलअघि उनीहरुले कालो झण्डा देखाएका हुन् ।

कालो झण्डा देखाउनेहरु अनेरास्ववियुका भुवन दाहाल, मनोज तामाङसहित तीन जना विद्यार्थीलाई प्रहरी नियन्त्रणमा लिएको छ ।

अर्को पनि पढ्नैपर्ने

तत्काल चुनावको मिति घोषणा गर्नुपर्ने मागसहित सञ्चारमन्त्री कार्कीलाई अनेरास्ववियुको कालो झण्डा

यसअघि मंगलबार सरकारका प्रवक्ता एवं संचारमन्त्री ज्ञानेन्द्र बहादुर कार्कीलाई काठमाडौँस्थित मन्त्री क्वाटर अगाडि र सभामुख अग्नि प्रसाद सापकोटालाई अनेरास्ववियुले कालो झण्डा देखाएको थियो।

एमालेले संविधान र वर्तमान कानुनबमोजिम नै स्थानीय तहको निर्वाचन हुनुपर्ने बताउदै आएको छ ।