काठमाडौं । अवैध भर्चुअल मुद्रा क्रिप्टोकरेन्सी कारोबारमा संलग्न एक जना पक्राउ परेका छन् ।

महानगरीय प्रहरी कार्यालय रानीपोखरीको विशेष टोलीले मंगलबार सिन्धुपाल्चोकको सुनकोसी घर भई भक्तपुर बस्दै आएका ३० वर्षीय रविन्द्र अधिकारी भनिने चन्द्रमणि अधिकारीलाई काठमाडौंको न्युरोडबाट पक्राउ गरेको हो ।

प्रहरीका अनुसार उनले हालसम्म १ करोड ४८ लाख ४० हजार रुपैयाँको कारोबार गरेका थिए । उनको साथबाट क्रिप्टोकरेन्सी कारोबारमा प्रयोग गर्ने मोबाइल सेटसमेत बरामद गरिएको छ ।

उनलाई आवश्यक कारबाहीका लागि महानगरीय प्रहरी परिसर टेकुमा बुझाइएको छ ।