कैलाली । कैलालीमा प्रहरीले बेवारिसे अवस्थामा भन्सार छली ल्याएको चिनी बरामद गरेको छ ।

जिल्लाको भजनी नगरपालिका १ स्थित भजनी रजवारा ग्रामीण सडक खण्डको छेउमा बेवारिसे अवस्थामा ६४ बोरा चिनी फेला पारी बरामद गरिएको हो ।

आज बिहान इलाका प्रहरी कार्यालय भजनी कैलाली बाट खटिई गएको प्रहरी गस्ती टोलीले सो चिनी बरामद गरेको जिल्ला प्रहरी कार्यालय कैलालीले जनाएको छ ।

बरामद गरिएको चिनी आवश्यक कारबाहीको लागि सत्ति भन्सार कार्यालय टीकापुर पठाइएको छ ।