काठमाडौं । सर्वोच्च अदालतले कोरोना भाइरस संक्रमणका कारण गरेको सेवा स्थगनलाई माघ २८ गतेसम्म निरन्तरता दिएको छ ।

सर्वोच्चको माघ १८ गतेको पूर्ण बैठकबाट सेवा स्थगनलाई निरन्तरता दिने निर्णय भएको सहप्रवक्ता देवेन्द्र ढकालले विज्ञप्तिमार्फत जानकारी दिए ।

उनका अनुसार कोरोनाको विषम परिस्थितिमा अदालतमा उपस्थित तथा भीडभाडलाई आवश्यक व्यवस्थापन गरी सेवाग्राही, अदालतमा कार्यरत जनशक्ति लगायको स्वास्थ्य सुरक्षा र रोग संक्रमणको जोखिम न्यूनिकरणका लागि २८ गतेसम्म निरन्तरता दिने निर्णय भएको हो ।

यसअघि सर्वोच्चको माघ ४ गतेको पूर्ण बैठकले सेवा स्थगनको निर्णय गरेको थियो ।