काठमाडौं । कोभिड संकट व्यवस्थापन केन्द्र (सीसीएमसी) ले डान्सबार, स्वीमिङ पुल, क्लब, धार्मिक क्षेत्र, फुटसल लगायतका क्षेत्र माघ मसान्तसम्म बन्द गर्न सिफारिस गरेको छ ।

शुक्रबार बसेको सीसीएमसीको बैठकले कोरोना संक्रमण कायमै रहेकाले यी क्षेत्रहरु माघ मसान्तसम्म बन्द गर्न सिफारिस गरेको हो ।

यसअघिको क्याबिनेट बैठकले यी क्षेत्र माघ १५ सम्म बन्द गर्ने निर्णय भएकामा सीसीएमसीले फेरि माघ मसान्तसम्म बन्द गर्न सिफारिस गरेको हो ।

यस्तै सार्वजनिक यातायातका साधनमा जोरबिजोर प्रणाली हटाउन पनि सरकारलाई सिफारिस गरिएको छ ।