काठमाडौं । पशुपति विकास कोषले पशुपति धर्मशालामा सञ्चालित होटल आनन्दको छानबिनका लागि अर्को समिति गठन गरेको छ ।

मंगलबार कोषका सदस्य सचिव मिलन थापाको नेतृत्वमा छानबिन तथा कारबाही सिफारिस समिति गठन गरिएको हो ।

सरकारी जग्गा तथा सम्पत्ति अनधिकृत रूपमा हत्याएको आरोप लागि रहेको बतास समूहले सञ्चालन गरिरहेको उक्त होटलको थप अनुसन्धानका लागि भन्दै कोषले छानबिन तथा कारबाही सिफारिस समिति गठन गरेको हो ।

यसअघि पनि संस्कृति पर्यटन तथा नागरिक उड्डयन मन्त्री प्रेम आलेले सोही होटलको ठेक्का सम्झौता तथा बदमासीको बारेमा छानबिन गर्न कोषकै कोषाध्यक्ष नारायण सुवेदीको संयोजकत्वमा छानबिन समिति गठन गरेका थिए ।

उक्त समितिले बतास समूले सम्झौता विपरीत गतिविधि गरेको प्रतिवेदन गत माघ ३ गते सरकारलाई बुझाएको थियो ।