एजेन्सी । गाम्बिया र क्यामरुन अफ्रिका कप अफ नेसन्स फुटबलको क्वाटरफाइनलमा पुगेका छन् ।

गएराति भएको खेलमा घरेलु टोली क्यामरुनले १० खेलाडीमा सिमित कोमोरोसलाई २-१ ले पराजित गर्दै क्वाटरफाइनलमा पुगेको हो ।

जीतसँगै क्यामरुनले अन्तिम आठमा गाम्बियासँगको भेट पक्का गरेको छ । यस्तै सोमबार राति नै भएको अर्को खेलमा गाम्बियाले गिनीलाई १-० ले हराएको हो ।

गाम्बियाको जितमा मुसा बारोले खेलको ७१औं मिनेटमा निर्णायक गोल गरे । खेलमा दुबै टोली १० खेलाडीमा सिमित थिए । अब शनिबार हुने क्वाटरफाइनलमा यी दुई टोलीबिच प्रतिस्पर्धा हुनेछ ।