बारा । बारामा बेहुला चढेको रथ पल्टिदा दुई जनाको घटनास्थलमै मृत्यु भएको छ ।

जिल्लाको आर्दशकोतवाल गाउपालिका वडा नम्वर ३ बतरा स्थित बेहुला चढेको रथ पल्टिँएको हो । घटनास्थलमै २ जनाको मृत्यु भएको छ भने ८ जना घाईते भएका छन् । मृत्यु भएका ब्यक्तिको पहिचान खुल्न बाकी छ ।

बिहेको लागि ल्याईएको रथ तिब्र गतिका कारणले ब्राह्मम बाबा भन्ने स्थानमा जन्ती अनियंत्रित भई एउटा रुखमा ठोक्किदा उक्त दुर्घटना भएको प्रहरीले जनाएको छ ।

घाईते मध्ये केहिको अवस्था चिन्ताजनक रहेको छ । घाईतेहरुको उपचार कलैया अस्पतालमा भैइरहेको बाराको प्रहरी प्रमुख दिलिप सिह देउवाले जानकारी दिए ।