काठमाडौँ । सत्तारुढ दल नेपाली कांग्रेसका उपसभापति धनराज गुरुङले भौतिक पूर्वाधार तथा यातायातमन्त्री रेणु यादबको हिंसा भड्काउने अभिव्यक्तिलाई लिएर कुनै कारबाही नभएपछि ‘अति गरे खती’ हुने उल्लेख गरेका छन् ।

‘मन्त्री जस्तो जिम्मेवार पदमा बसेर हिंसा भड्काउने गैरजिम्मेवार अभिव्यक्ति दिएको यतिका दिनसम्म पनि न मन्त्री स्वयंले सार्वजनिक रुपमा माफी मागेको सुनियो, न सम्बन्धित दलले कारबाही गरेको सुनियो, न त प्रधानमन्त्रीले बर्खास्त गरेको सुनियो ! अति गरे खती हुन्छ भन्छन् है,’ ट्वीटरमा उनले लेखेका छन् ।

मन्त्री यादवले रौतहटको गौरमा आयोजित राजनीतिक कार्यक्रमलाई सम्बोधन गर्ने क्रममा व्यक्ति हत्या र सामाजिक हिंसा फैलाउने अभिव्यक्ति दिएपछि सर्वत्र विरोध भइरहेको छ।

मन्त्री जस्तो जिम्मेवार पदमा बसेर हिंसा भड्काउने गैरजिम्मेवार अभिव्यक्ति दिएको यतिका दिनसम्म पनि न मन्त्री स्वयमले सार्वजनिक रुपमा माफी मागेको सुनियो, न सम्बन्धित दलले कारबाही गरेको सुनियो, न त प्रधानमन्त्रीले बर्खास्त गरेको सुनियो!
अति गरे खती हुन्छ भन्छन् है।

— Dhan Raj Gurung (@dhanrgrg) January 22, 2022