काठमाडौँ । प्रधानमन्त्री शेरबहादुर देउवाले आगामी एक वर्षभित्र तीनै तहका निर्वाचन गर्नुपर्ने भएकाले सबै निकायहरूलाई तयारी अवस्थामा रहन निर्देशन दिएका छन् ।

शुक्रबार राष्ट्रका नाममा सम्बोधन गर्दै प्रधानमन्त्री देउवाले एक वर्षभित्र तीन तहका चुनाव गर्ने कार्यभार रहेको उल्लेख गर्दै यस्तो निर्देशन दिएका हुन् ।

‘तीन तहको निर्वाचन गर्नुपर्ने दायित्व छ, निर्वाचनका सम्पूर्ण काम गर्नका लागि म सम्बन्धित सबैसँग अनुरोध गर्दछु,’ सम्बोधनका क्रममा देउवाले भनेका छन्।

यस्तै, प्रधानमन्त्री देउवाले कोरोना भाइरसको नयाँ भेरियन्ट ओमिक्रोनको तेस्रो लहरको महामारीमा सबैलाई धैर्य गर्न आग्रह गरेका छन् ।

। गत २९ असारमा प्रधानमन्त्री भएका देउवाको कार्यकाल यही पुस २९ गते ६ महिना पूरा भएको छ ।