काठमाडौँ । नागढुंगाबाट प्रहरीले गाँजाको धुलो जस्तो देखिने पदार्थसहित २ जनालाई पक्राउ गरेको छ।

पक्राउ पर्नेमा धादिङ थाक्रे-४ का २३ बर्षीय विकास लामा र मकवानपुर कैलाश गाउँपालिका-२ का २७ बर्षीय गणेश लामा रहेका छन्।

प्रहरीका अनुसार सोमबार साँझ ६ बजेतिर उनीहरुलाई नागढुङ्गा प्रहरीले  ९४० ग्राम गाँजासहित फेला पारेको हो।

पक्राउ परेका दुबै जनामाथि लागूऔषध नियन्त्रण ऐन, २०३३ बमोजिम महानगरीय प्रहरी बृत्त थानकोटबाट थप अनुसन्धान भइरहेको प्रहरीले जनाएको छ।