काठमाडौं । नयाँ बानेश्वरस्थित बुद्धनगरको कान्तिपुर इन्टरनेश्नल कलेजमा विद्यार्थी र प्रहरीबीच घम्साघम्सी भएको छ ।

बुधबार बिएएलएलबीको चौथो वर्षको परीक्षामा कोरोना संक्रमित विद्यार्थी र संक्रमण नभएका विद्यार्थीलाई एकै ठाउँमा राखेर परीक्षा दिन लगाएको भन्दै आन्दोलित विद्यार्थी र प्रहरीबीच घम्साघम्सी भएको हो ।

प्रहरीले स्थितिलाई नियन्त्रणमा लिन लाठी चार्ज गरेको छ । त्यसक्रममा केही विद्यार्थी घाइते भएका छन् ।

विद्यार्थीहरुका अनुसार स्वास्थ्य मापदण्डको न्यूनतम पालना पनि नभएकाले  कलेजको गेटमा ताला समेत लगाइएको छ।