काठमाडौं । नेपाली अभिनेत्री स्वस्तिमा खड्काको अभिनय रहेको दक्षिण भारतीय फिल्म ‘थिरीमाली’ को ट्रेलर सार्वजनिक भएको छ।

बिहीबार साँझ सार्वजनिक गरिएको ट्रेलर मलयालम भाषामा सार्वजनिक भएको छ । जसमा स्वस्तिमा खड्काको ‘आइटम डान्स’ का केही झलकहरू देखाइएको छ।

एसके लरेन्सले निर्माण गरेको फिल्ममा राजीव शेट्टीले निर्देशन गरेका छन् । फिल्ममा मलयालम फिल्म उद्योगका चर्चित अभिनेता बिबिन जर्ज मुख्य भूमिकामा देखिएका छन्।

यस्तै, ट्रेलरमा नेपालका अर्का अभिनेता माओत्से गुरुङको एक झलक पनि देख्न सकिन्छ । कमेडी जनरामा बनेको यो फिल्म सन् २०२२ मा रिलिज हुने बताइएको छ ।

हेर्नुहोस् भिडियो: