काठमाडौँ । महानगरीय प्रहरी परिसर भक्तपुरले तास खेलिरहेको अवस्थामा बालकोटबाट सात जनालाई पक्राउ गरेको छ ।

प्रहरीका अनुसार भक्तपुर, सूर्यविनायक नगरपालिका-३ बालकोट महेन्द्र शान्ती चोक नजिक ४४ वर्षीय रामबाबु रानाभाटको घरमा तास खेलिरहेको अवस्थामा ७ जनालाई बिहीबार साँझ पक्राउ गरिएको हो।

उक्त घरमा जुवातास खेलिरहेको भन्ने सूचनाको आधारमा भक्तपुरबाट खटिएको प्रहरीले उनीहरुलाई नगद ८५ हजार ४ सय ५५ रुपैयाँ र ३ बुक ताससहित फेला पारी पक्राउ गरेको जनाएको छ।

यस सम्बन्धमा प्रहरीले थप अनुसन्धान गरिरहेको जनाएको छ ।