काठमाडौं । पूर्वप्रधानमन्त्री डा. बाबुराम भट्टराईले हामी पनि लास बनेर दिन काटिरहेका त छैनौं भन्दै प्रश्न गरेका छन् । भट्टराईले अमेरिकी लेखक तथा वैज्ञानिक बेन्जामिन फ्र्यांकलिनको एक भनाइलाई ट्विटरमा अनुवाद गर्दै हामी पनि लास बनेर दिन काटिरहेका त छैनौं भन्दै प्रश्न गरेका हुन ।

जसपा संघीय परिषद अध्यक्ष समेत रहेका भट्टराईले बिहीबार राति गरेको उक्त ट्वीट् निकै भाइरल भइरहेको छ ।

भट्टराईले लेखेका छन्, ‘ओहो,कस्तो तिखो तर सत्य वचन -“धेरै मानिस पच्चीस बर्षमै मर्छन् तर उनीहरूलाई पचहत्तर बर्ष नपुगेसम्म गाडिन्न/जलाइन्न !!” – बेन्जामिन फ्र्यांकलिन।हामी पनि लास बनेर दिन काटिरहेका त छैनौं ?’

भट्टराई सामाजिक सञ्जालहरुमा निकै सक्रिय रहने व्यक्ति हुन् ।

ओहो,कस्तो तिखो तर सत्य वचन -“धेरै मानिस पच्चीस बर्षमै मर्छन् तर उनीहरूलाई पचहत्तर बर्ष नपुगेसम्म गाडिन्न/जलाइन्न !!” – बेन्जामिन फ्र्यांकलिन।हामी पनि लास बनेर दिन काटिरहेका त छैनौं? https://t.co/TNqqG1ptOM

— Baburam Bhattarai (@brb1954) January 13, 2022